1. síðan

Já það eru komin mörg ár síðan þessi var skröppuð!! Það var annaðhvort 2002 eða 03, man það ekki lengur en ég var alveg óratíma að gera hana og ómæ hvað það var erfitt að skera alla bútana með bútasaumsgræjunum mínum LOLOL Þessi síða er svosem ekkert slæm miðað við margar aðrar sem fylgdu í kjölfarið, en ég datt sem betur fer aldrei í munsturskærin-fyrr en á þessu ári (O_O)



Síðan var ég að gera gjöf í leynivinaleiknum sem ég er í á SG...ég klæddi stafi sem ég keypti í Skólavörubúðinni með chatterboxpappír...Þetta er eitthvað sem leynivinurinn var búin að óska sér og ég vona að hún verði ánægð með þetta ;-)

Lególand

Ég er á fullu að vinna gamlar myndir þessa dagana og þá auðvitað í Andra albúm sem hefur heldur betur fengið að sitja á hakanum síðustu ár! En hér er mynd frá því í Danmörku 2002 þegar við fórum í Lególand. Það var ótrúlega skemmtileg ferð!

Pappírinn er úr nýjasta SG kittinu en blómin eru bazzill bling blóm sem ég keypi mér á netinu um daginn ;-)

Efnilegur

Hér er önnur síða með gömlum myndum af Andra. Hún er gerð úr júní SG kittinu en stimplarnir eru ekki þaðan samt. Titillinn er svona heimatilbúið rubon. Síðan er unnin eftir minni eigin skissu sem mun birtast á skissublogginu mínu von bráðar ;-)

Kisustrákur

Ég er búin að vera í þvílíkri skrappþörf síðustu daga, en hef ekki fengið útrás þar sem litla hjálparhellan mín er svo dugleg að taka þátt í skrappinu (O_O) að það er ekki einusinni hægt að skrappa í tölvunni fyrir henni LOLOL

En nú fékk ég tækifæri og skellti í eins snögga síðu, sem ég gerði eftir minni eigin skissu. Pappírinn er úr maí SG kittinu og mér finnst hann algert æði!! og svo missti ég mig smá í nýju stimplunum mínum.....sem ég er búin að finna aftur LOLOLOL



hér er svo skissan sem ég fór eftir.

Í bílaleik

Nýji júní SG pakkinn er alveg fullkomin í stákamyndir og þar sem ég hef ekki verið dugleg að skrappa myndir af honum Andra mínum þá fannst mér alveg upplagt að grafa upp gamla mynd af krúttinu. Mér finnst hún passa pappírnum alveg ljómandi vel! Notaði síðan nýju flottu dútlstimplana sem ég keypti hjá henni Sesselju í fyrradag ó þeir eru svooo mikið æði að ég tími varla að nota þá!!! Ég ætlaði líka að nota stimplana sem ég keypti af Hönnu en ég finn þá ekki!!!! Kræst mig vantar föndurherbergi!!! (O_O)


Nú er orðið ljóst að við erum að flytja til Danmerkur! Ég fékk húsnæði í gær, en satt að segja var ég alveg búin að gefa þetta upp á bátinn...en svona er það nú, ég var búin að ákveða ef ég fengi húsnæði þá færi ég og nú er bara að stökkva og vona að djúpa laugin sé ekkert rosalega djúp!! Elsku Rós, þú geymir bara skrappdótið mitt á meðan svo þú saknir mín ekkert ;-) Tekur ekki einusinni eftir því að ég er ekki á svæðinu! Og svo kaupi ég raðhúsið sem er verið að byggja rétt hjá ykkur!

Jamm, svona er það nú!

Berrassað krútt

Já ég held áfram að nota eitthvað gamalt úr skápnum mínum! Að þessu sinni eru það gamlar myndir af Andra, sennilega síðan hann var 3gja ára og þessi eldgamli BasicGrey pappír - úr línu sem ég keypti fyrir margt löngu en fékk svo svakalegt ógeð á því það voru bókstaflega allir að nota hann!! Núna er hann out og þá er hann fínn fyrir mig (hvernig var ekki með munsturskærin??)

Veiðifélagar

Skrappandinn kom loksins yfir mig eldsnemma í morgun! Vaknað við hamaganginn í Gunna þar sem hann var að bíða eftir því að fara í símaviðtal í útvarpið og þá var ekki aftur snúið í draumalandið ;-) Þegar feðginin voru farin tíndi ég fram allt skrappið og fann mér þessar fínu myndir af þeim félögum Andra og Guðna. Ég var svolítið lengi að finna pappír sem ég var sátt við og líka vesenaðist ég heillengi með uppröðun á þessu en ég ákvað á endanum að styðjast við síðu sem ég sá á Scrapbook.com

Ég er bara nokkuð sátt við útkomuna, ég fór algerlega offörum með rubon á hana, finnst núna að ég þurfi að klára þetta drasl sem ég á.....svo ég geti keypt meira!!! LOLOL